📌Орхон аймгийн Төсвийн ерөнхийлөн захирагч нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, журамд зааснаар өөрийн харьяа байгууллагуудын худалдан авах ажиллагааны төлөвлөгөөг нэгтгэн хянаж, баталгаажуулах, худалдан авах ажиллагааны хэрэгжилт, үр дүнг цахим системээр нэгтгэн тайлагнах, хяналт тавьж, арга зүйн зөвлөмжөөр хангах чиг үүрэгтэй.✅
✅Аймгийн Засаг даргын эрхлэх асуудлын хүрээний хэрэгжүүлэгч агентлаг Худалдан авах ажиллагааны газар нь 2025 онд төсвийн ерөнхийлөн захирагчийн харьяа байгууллагуудын 2025 оны худалдан авах ажиллагааны хэрэгжилтэд 3 удаа хяналт шалгалт хийж, арга зүйн зөвлөмжөөр тухай бүр хангаж ажилласан байна. Орхон аймгийн Засаг дарга буюу Төсвийн ерөнхийлөн захирагчийн харьяанд дараах 5 байгууллага харьяалагддаг. Үүнд:
🖌Баян-Өндөр сумын Засаг дарга
🖌Жаргалант сумын Засаг дарга
🖌Хот тохижуулах газар
🖌Цэцэрлэгжүүлэлт ногоон байгууламж УТҮГ
🖌Эрдэнэт-Ус дулаан түгээх сүлжээ ОНӨХК
✅Дээрх байгууллагуудын дарга, удирдлагууд, худалдан авах ажиллагаа хариуцсан мэргэжилтэн, тендер шалгаруулалтыг зохион байгуулахад оролцсон үнэлгээний хорооны дарга, гишүүнээр ажилласан төрийн албан хаагч нарт 2025 оны худалдан авах ажиллагааны хэрэгжилтэд хийсэн шалгалтын дүн, илэрсэн зөрчил дутагдлын талаарх мэдээлэл, цаашид анхаарах асуудлын талаар зөвлөмжийг 2025 оны 11 дүгээр сарын 25-ны өдөр Аймгийн Засаг дарга Б.Зоригтбаяр, Аймгийн ЗДТГ-ын дарга Б.Ганзориг, Худалдан авах ажиллагааны газрын дарга Д.Оюунбаяр нар захиалагч байгууллага тус бүрээр танилцан дараах үүрэг даалгаврыг өгч ажиллаа.
✅ Зөвлөмжийн хэрэгжилтийг хангах төлөвлөгөө гаргаж, биелэлтийг 2026 оны I улиралд багтаан тайлагнах
✅2026 оны худалдан авах ажиллагааг зохион байгуулахдаа Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, журмыг мөрдөн ажиллах
✅Худалдан авах ажиллагаа хариуцсан мэргэжилтнүүдийг чадавхжуулах, давтан сургах, туршлага судлуулах бүх талын арга хэмжээг зохион байгуулж ажиллах
✅Үнэлгээний хороонд орж ажиллах хараат бус төлөөллийг нэмэгдүүлэх
Дэлгэрэнгүй мэдээлэл авах эх сурвалж:
Дотоод хяналт, шалгалт хариуцсан мэргэжилтэн: Б.Баттөр
Холбоо барих утас: 70354454
info@or.spa.gov.mn
