2025 оны 05 дугаар сарын 21-ний өдөр Худалдан авах ажиллагааны газар нь Орхон аймгийн ерөнхий боловсролын сургуулийн захирал, цэцэрлэгийн эрхлэгч худалдан авах ажиллагаа зохион байгуулдаг ажилтан, хаагчдад “Цахим системээр худалдан авах ажиллагаа зохион байгуулах, анхаарах асуудал” сэдвээр сургалтыг зохион байгууллаа.
Тус сургалтад Сангийн сайдын 2023 оны 12 дугаар сарын 25-ны өдрийн А/248 дугаар тушаалын хавсралтаар батлагдсан “Цахим системээр худалдан авах ажиллагаа зохион байгуулах, түүний тасралтгүй, аюулгүй ажиллагааг хангах журам”-ын зохицуулалт, мөн “Төрийн хэмнэлтийн тухай”-д тусгагдсан худалдан авах үйл ажиллагаатай холбоотой зохицуулалтыг хэрхэн хэрэгжүүлж ажиллах талаар арга зүйн зөвлөгөө мэдээллийг хүргэж ажиллаа.
