Худалдан авах ажиллагааны газраас санаачлан 2025 оны 01 дүгээр сарын 27-ны өдөр Аймгийн ЗДТГ-ийн Хууль эрх зүйн хэлтэс, Орон нутгийн өмчийн газар, Хот байгуулалт, барилга захиалагчийн алба ОНӨААТҮГ-ын удирдлага болон холбогдох мэргэжилтэнүүд оролцсон хамтарсан уулзалт зохион байгууллаа.
Энэ үеээр Орхон аймгийн Худалдан авах ажиллагааны газраас мэдээлэл хийсэн ба Аймгийн 2025 оны худалдан авах ажиллагааны төлөвлөгөөнд 114.5 тэрбум төгрөгийн 197 төсөл арга хэмжээг төлөвлөсөн.Үүнд:
- Орон нутгийн төсвийн хөрөнгө оруулалтаар 81.1 тэрбум төгрөгийн 135 төсөл арга хэмжээ
- Орон нутгийн хөгжлийн сангийн хөрөнгө оруулалтаар 21.2 тэрбум төгрөгийн 17 төсөл арга хэмжээ
- Байгаль хамгаалах сангийн хөрөнгөөр 4.2 тэрбум төгрөгийн 20 төсөл арга хэмжээ
- Авто замын сангийн хөрөнгөөр 2.1 тэрбум төгрөгийн 4 төсөл арга хэмжээ
- Орон нутгийн төсвийн шилжих үлдэгдэл дээр туссан 5.5 тэрбум төгрөгийн 21 төсөл арга хэмжээ тус тус төлөвлөгдсөн байна.
Худалдан авах ажиллагааг төрлөөр ангилан авч үзвэл: Ажил-156, Бараа-35, Үйлчилгээ-6 худалдан авахаар төлөвлөсөн байна.
Уг уулзалтаар 2025 оны орон нутгийн төсвийн хөрөнгө оруулалтаар хийгдэх ажлуудын худалдан авах ажиллагааг зохион байгуулахаас өмнө гэрээний тусгай нөхцөлд тусгах саналуудыг хэлэлцлээ.
Мөн 2025 онд ажил гүйцэтгэх, бараа нийлүүлэх тендерт шалгарсан аж ахуй нэгжтэй гэрээ байгуулахад анхаарах асуудал дээр ярилцаж санал бодлоо солилцлоо.
